Matagal na akong naglalakbay
Sa mga bayan na walang kulay
Mga lugar na walang tao
At mga liwasang walang buhay
Matagal na akong naghahanap
Sa isang taong partikular
Maliit ang taas, makulay ang boses
Hinahanap ko ang ligaya
Ilang taon na ba ako naglalakad
Dito sa daigdig na wala ka
Itong maliit na malintala
Pilit hinahap ka
Nagdadapit-hapon na
Ako’y napapagod pa
Ngunit ang puso ko’y ayaw
Na sa dilim ay isusuko ka
Walang inaasahang bukas
Wala na ding gasolina
Hindi ko pala alam
Ito na ang aking huling hininga
Nawa’y ang aking kaluluwa
Na umalis sa aking katawang-lupa
Ay huwag sumuko
At pilit pang maghanap
